Goditet Call Centeri në Tiranë! Skema mashtrimi ndaj të huajve, arrestohen 3 persona

Policia e Tiranës ka finalizuar me sukses operacionin policor të koduar “Wrong Call”, duke zbuluar një ambient në zonën e Selitës, i përshtatur si call center, ku kryheshin veprimtari mashtruese ndaj shtetasve të huaj.

Sipas njoftimit zyrtar, në këtë ambient personat e përfshirë telefononin shtetas të huaj duke i joshur të investonin në bursa fiktive, me qëllim përfitimin e paligjshëm të të ardhurave.

Gjatë ndërhyrjes, shërbimet e Policisë kapën në flagrancë 5 persona, ndër të cilët, 3 u arrestuan, 2 u proceduan penalisht në gjendje të lirë.

Në pranga kanë rënë shtetasit:

Klaudio Sulejmëni, Franko Karemani dhe Eriglen Arapi.

Ndërkohë, dy shtetas të tjerë, E. S. dhe A. K., të cilët dyshohet se kishin marrë ambientin me qira për këtë qëllim, janë shpallur në kërkim.

Gjatë kontrollit, policia ka sekuetruar pajisje kompjuterike, celularë dhe prova të tjera materiale, të cilat do të shërbejnë në vijimin e hetimeve për zbardhjen e plotë të kësaj skeme mashtruese.

Hetimet vazhdojnë nën drejtimin e Prokurorisë së Tiranës, me qëllim identifikimin e personave të tjerë të përfshirë në këtë aktivitet të kundërligjshëm.

LEXONI GJITHASHTU:

• Goditet Call Center në Tiranë, zbulohet skema e mashtrimit me qytetarët evropian
• Imazhet prekëse/ Pengjet izraelite në Gaza flasin me video call me familjarët (FOTO)