Goditi me lopatë në kokë 56-vjeçarin, arrestohet autori

Është arrestuar personi i cili mbrëmjen e djeshme goditi me send të fortë, lopatë, në kokë dhe i shkaktoi dëmtime të rënda një 56-vjeçari, pas një konflikti për motive të dobëta.

Ngjarja ndodhi në vendin e quajtur “Badra e Mehajve”, Koplik, ku pas një konflikti të çastit, për motive të dobëta, shtetasi P. Z., 52 vjeç, banues në fshatin Reç, ka goditur me lopatë një 56-vjeçar banues në Koplik.

56-vjeçari u transportua me urgjencë në spital, ku dhe po merr kujdesin e nevojshëm mjekësor jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprën penale “Plagosja e rëndë me dashje”.

“Shërbimet e Komisariatit të Policisë Malësi e Madhe, menjëherë pas marrjes së njoftimit, ditën e djeshme, për një konflikt në Koplik, kanë organizuar punën, kanë mbërritur në vendngjarje dhe në bashkëpunim me specialistët për Hetimin e Krimeve të DVP Shkodër, kanë kapur dhe vënë në pranga shtetasin P. Z., 52 vjeç, banues në fshatin Reç, Malësi e Madhe”, njofton policia.

LEXONI GJITHASHTU:

• Kanosi në lokal një shtetas për motive të dobëta, shpallet në kërkim 29-vjeçari
• “100 mijë lekë, plus 50 naftë, pazari i fundit”- Del video e shit-blerjes së votave
• U filmuan duke komunikuar për shit-blerje votash, një në pranga, një në hetim