Kanosi në lokal një shtetas për motive të dobëta, shpallet në kërkim 29-vjeçari

Një 29-vjeçar më precedent të theksuar kriminal, i dënuar më parë për vrasje të mbetur në tentativë dhe armëmbajtje pa leje, është shpallur në kërkim nga policia e Matit.

29-vjeçari u ndalua pasi kanosi një tjetër shtetas për motive të dobëta.

Gjatë kontrollit të banesës, policia gjeti dhe sekuestroi 12 targa automjetesh 2 prej të cilave me mbishkrimin “Policia”, 4 targa të huaja dhe 6 targa shqiptare, një fenelinë, një rrip multifunksional si ata të policisë dhe 1 krëhër kallashnikovi.

Materialet procedurale në ngarkim të tij i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprat penale “Kanosja”, “Mbajtja pa leje dhe prodhimi i armëve, armëve shpërthyese dhe i municionit”, “Mbajtja pa të drejtë e uniformës”.

“Shërbimet e Komisariatit të Policisë Mat, pas marrjes së njoftimit në rrugë operative se në një lokal në qytetin e Burrelit, një shtetas me precedent të theksuar kriminal kanoste një shtetas tjetër për motive të dobëta, menjëherë kanë shkuar në adresën e marrë. Shtetasi H.D., pasi ka kanosur shtetasin tjetër është larguar menjëherë nga ambientet e lokalit.

Specialistët për Hetimin e Krimit të Komisariatit të Policisë Mat, në përfundim të veprimeve të para hetimore kanë shpallur në kërkim shtetasin H.D., 29-vjeç, banues në Burrel”, njofton policia.

LEXONI GJITHASHTU:

• Goditi me lopatë në kokë 56-vjeçarin, arrestohet autori
• “100 mijë lekë, plus 50 naftë, pazari i fundit”- Del video e shit-blerjes së votave
• U filmuan duke komunikuar për shit-blerje votash, një në pranga, një në hetim