Goditja e Berishës, Biberaj: Shqetësuese fryma e dhunës që ka krijuar Rama

Funksionari i PD-së, Aleksandër Biberaj tha se incidenti që ndodhi më 6 dhjetor ku Gert Shehu goditi me grusht kreun PD-ja Sali Berisha, ishte i turpshëm.

Në një intervistë për Euronews Albania, ai tha se shqetësuese është fryma e dhunës që ka krijuar kreu i qeverisë Edi Rama.

Më tej ai ngriti dyshime për reagimin e menjëhershëm të strukturave shtetërore sapo u godit lideri historik i PD-së.

“Ajo që ndodhi ishte e turpshme. Nuk ka ndodhur asnjëherë një gjë e tillë. Kjo ishte jashtë çdo logjike dhe e turpshme.

Mua më shqetëson fryma që ka krijuar Edi Rama në këtë vend, është frymë e dhunës dhe terrorit. Çdo qytetar ndihet i rrezikuar nga dhuna e terrori sepse këtë frymë ka krijuar Edi Rama. Ky është formimi i tij, kjo ka qenë jeta e tij. Mua nuk më intereson nëse e ka krijuar Edi Rama apo të tjerë.

Ajo që më shqetëson është edhe kundërpërgjigja e shpejtë e strukturave shtetërore pa një investigim për të paraqitur personin me probleme psiqike. Edhe zyra e shtypit edhe drejtori i Përgjithshëm së Policisë së shtetit kanë gabuar. Në këtë rast edhe Rrumbullaku është përdorur nga politika. Politika e Ramës ka ndërhyrë në çdo qelizë të qytetarëve dhe në çdo qelizë të institucioneve shtetërore”- theksoi ai.

LEXONI GJITHASHTU: 

• Samiti në Tiranë, Krifca: Urë e re bashkëpunimi me vendet e BE-së
• Aleksandër Biberaj: Policia një organizatë kriminale, po largohen profesionistët
• Vjosa Osmani: Kemi bërë progres në lobimin për njohje nga pesë vende të BE-së