Samiti në Tiranë, Krifca: Urë e re bashkëpunimi me vendet e BE-së

Ministrja e Bujqësisë dhe Zhvillimit Rural, Frida Krifca e ka cilësuar si një ngjarje të jashtëzakonshme, mbajtjen e samitit BE-Ballkani Perëndimor në Tiranë.

Në një intervistë për Euronews Albania, Krifca u shpreh se kjo tregon një urë të re bashkëpunimi me të gjitha vendet e BE-së.

“Ishte një ngjarje e jashtëzakonshme, jemi akoma shumë entuziastë nga çfarë pamë, dëshmuam vlerat më të larta me dinjitet të Shqipërisë, të mikpritjes. Pati një jehonë të jashtëzakonshme pas samitit, çka vërtetoi që ne kishim bërë punën e duhur. Një kompliment shumë të madh për ata që e bënë të mundur këtë samit, që të mbahet në Tiranë. Është e papërsëritshme, jemi të gjithë shumë entuziastë për çfarë pamë dhe sigurisht që kjo krijon një urë të re bashkëpunimi me të gjitha vendet e BE-së që shohin një realitet ndryshe nga çfarë mund të jetë perceptimi ndonjëherë përpos lajmeve jo pozitive.

Unë mendoj që agjenda ndërkombëtare e Shqipërisë vitet e fundit, ka pasur një tjetërsim totalisht të imazhit të Shqipërisë në botë, ne jemi anëtar i Këshillit të Sigurimit, me një mandat dy vjeçar, kemi pasur role kyçe në politikbërjen dhe vendimarrjen ndërkombëtare botërore dhe samiti që mbahet në Shqipëri është në vazhdën e këtyre punëve të nisura me shumë përkushtim”, theksoi ajo.

LEXONI GJITHASHTU

• Përqafime dhe shtrëngime duarsh, samiti BE-Ballkan Perëndimor përmes fotove
• Rama: Samiti në Shqipëri, vlerësim për vendin tonë dhe rolin e tij në rajon
• A do zgjidhen mosmarrëveshjet Kosovë-Serbi në samitin në Tiranë? Flet Edi Rama