“Duan Jugosllavinë e re”, Goxhaj: Kush do që Shqipëria mos të bashkohet me Kosovën

Ish luftëtari i UÇK, Dritan Goxhaj, i ftuar në Now me Erla Mëhillin në Euronews Albania, tha se interesi i Serbisë është që Kosova të jetë republikë. sipas tij kjo është një lojë e Serbisë dhe Bashkimit Europian që Kosova të mos bashkohet me Shqipërinë.

Goxhaj shtoi se fuqitë e mëdha duan që Kosova të jetë pjesë e Jugosllavisë së re.

“Interesi i Serbisë është që Kosova të mbetet dhe kështu siç është republikë, por kurrë të mos bashkohet me Shqipërinë. Pra ata kanë këtë interes dhe kjo është dhe pjesë e një loje të kamufluar dhe një loje të poshtër të Bashkimit Europian.

Ish ministri i jashtëm Dalema në librin e tij ka thënë se në e përkrahëm ndërhyrjen e NATO-s në Kosovë për arsye se mendonin dhe kishim qëllim që Kosova të jetë pjesë e Jugosllavisë së re. Kjo lojë e Bashkimit Europian që duan të na sjellin vërdall e në fund duan të na sjellin aty ku duan ata, te Jugosllavia e re” tha Goxhaj.

LEXO GJITHASHTU:

• FSK paradë për 25-vjetorin e Çlirimit, prezantohen armatimet e reja
• Masakra e përdhunime, aktivistja nga Kosova: Ka dëshmi rëqethëse të barbarisë serbe