Grenell i përgjigjet Kurtit: Marrëdhëniet Kosovë-SHBA, s’kanë qenë kurrë më të ulëta

I Dërguari i SHBA-së për Misione të Posaçme, Richard Grenell, ka reaguar sërish ndaj kryeministrit të Kosovës, Albin Kurti.

Përmes një postimi në rrjetin social “X”, Grenell ka shpërndarë një lajm të Euronews Albania, ku Kurti deklaron se marrëdhëniet mes Kosovës dhe SHBA-së “nuk kanë qenë kurrë më të mira”. Në kundërpërgjigje, Grenell e ka cilësuar këtë deklaratë si të pavërtetë, duke theksuar se marrëdhëniet mes dy vendeve “nuk kanë qenë kurrë më të ulëta”. Ai ka shtuar se Kurti është ndëshkuar si nga administrata e parë e presidentit Donald Trump, ashtu edhe nga administrata që e pasoi, e presidentit Joe Biden.

“Delirant. Marrëdhëniet nuk kanë qenë kurrë më të ulëta. Albin Kurti është ndëshkuar nga administrata e parë e Trump, administrata e Bidenit, NATO, BE, Ambasada Amerikane, Anthony Blinken etj.”, shkroi Grenell në postimin e tij.

Delusional.

Relations have never been lower. Albin Kurti has been condemned by the first Trump Administration, the Biden Administration, NATO, the EU, the U.S. Embassy, Anthony Blinken, etc. https://t.co/jiqMrrk18d

— Richard Grenell (@RichardGrenell) February 7, 2025

Si lindi përplasja Grenell-Kurti?

Përplasja e fundit mes Grenell dhe Kurtit nisi më 3 shkurt, kur emisari amerikan e cilësoi qeverinë Kurti si “të pabesueshme” gjatë administratës Trump dhe Biden. Ai gjithashtu deklaroi se kompanitë amerikane po zgjerohen në Shqipëri dhe Serbi, por jo në Kosovë, për shkak të politikave të qeverisë Kurti.

I have many friends in Kosovo and Albania…and many friends in Serbia and throughout the region.

The Trump Administration has worked and will continue to work towards peace for everyone in the Balkans.

But we need trustworthy partners.

The Kurti Government was not…

— Richard Grenell (@RichardGrenell) February 3, 2025

Në një reagim nga Istogu, kryeministri i Kosovës hodhi poshtë pretendimet e Grenell, duke deklaruar se marrëdhëniet me SHBA-në janë më të mira se kurrë. Si argument, ai përmendi blerjen e helikopterëve Black Hawk dhe sistemit anti-tank Javelin, si dhe grantin më të madh të dhënë nga SHBA gjatë qeverisjes së tij.

“Marrëdhëniet me SHBA-në nuk kanë qenë kurrë më të mira. Po blejmë helikopterë Black Hawk pas sistemit Javelin anti-tank. Grantin më të madh nga SHBA e kemi marrë gjatë qeverisjes sime. Sigurisht që mund të ketë kritika apo vërejtje, por ne duhet të ecim përpara”, u shpreh Kurti.

Përplasjet mes Grenell dhe Kurtit janë intensifikuar pas rikthimit të Donald Trump në Shtëpinë e Bardhë. Më 22 janar, emisari amerikan reagoi ndaj deklaratës së Kryetarit të Kuvendit të Kosovës, Glauk Konjufca, i cili tha se Kosova ka pësuar disavantazh në raport me Serbinë gjatë administratës Biden. Grenell kundërshtoi duke e pyetur përse qeveria e Kosovës nuk e ka ngritur më herët këtë shqetësim.

They spent the last 4 years complimenting Joe Biden and attending his conventions and parties.

Why didn’t they ever complain before? https://t.co/Ca6XhODOYY

— Richard Grenell (@RichardGrenell) January 22, 2025

LEXONI GJITHASHTU:

• Albin Kurti i përgjigjet Grenell: Marrëdhëniet me SHBA-në janë më të mira se kurrë
• Grenell sulmon ashpër Kurtin: S’është i besueshëm për SHBA-të, mos u mashtroni