Greva e fermerëve grekë, oraret e bllokimit të aksit Kakavijë–Janinë të shtunën

Në Greqi vazhdon greva e fermerëve dhe blegtorëve, gjë që ka sjellë bllokimin herë pas here të lëvizjes në doganën e Kakavijes.

Në një njoftim të ri nga pala greke bëhet me dije se ditën e shtunë, nga ora 19:00 deri në orën 22:00 (me orën greke), aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët.

Gjatë orarit të protestës së fermerëve do të lejohet të qarkullojnë vetëm automjetet që kanë emergjencë shëndetësore.

Gjatë muajit dhjetor, greva e fermerëve grekë ka sjellë probleme në lëvizjen e automjeteve dhe këmbësorëve përmes doganës së Kakavijes, në të dyja anët e kufirit me Greqinë.

LEXONI GJITHASHTU:

• Vijon greva e fermerëve grekë, bllokohet për disa orë Kakavija
• Protestat e fermerëve grekë, bllokohet qarkullimi në aksin Kakavijë-Janinë