Protestat e fermerëve grekë, bllokohet qarkullimi në aksin Kakavijë-Janinë

Protestat e fermerëve greke vijojnë edhe këtë të shtunë. Për shkak të protestave mësohet se aksi Kakavijë-Janinë përkatësisht në kryqëzimin e fshatit Kallpaq do të jetë i bllokuar.

Sipas njoftimit të policisë kufitare bllokimi do të jetë nga ora 19:00 deri në orën 22:00 (me orën greke). Më tej bëhet me dije se do të lejohen të qarkullojnë vetëm automjetet që do të kenë emergjenca shëndetësore.

“Kakavijë/ Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, nga ora 19:00 deri në orën 22:00 (me orën greke), aksi rrugor Kakavijë–Janinë, në kryqëzimin e fshatit Kallpaq, do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore. Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës”, thuhet në njoftim.

LEXONI GJITHASHTU:

• EMRAT/ Arrestohen në Tiranë 4 persona në kërkim, për çfarë akuzohen
• Makina përplaset me murin e tunelit në hyrje të Pogradecit, plagosen 2 persona