Mbi 11 mijë persona kanë kërkuar ndihmën e mjekut të familjes në poliklinika si pasojë e prekjes nga gripi apo viroza të stinës.

Raporti i fundit i ekspertëve të ISHP ka nxjerrë në pah se kurba e infeksioneve të sipërme dhe të poshtme respiratore është në rritje të vazhdueshme nga një javë në tjetrën.

Javën e fundit rritja është me 526 pacientë më shumë.

Por tetori i 2024 ka një numër më të lartë të personave të sëmurë se e njëjta periudhë e vitit 2023.

Sipas të dhënave zyrtare, në javën që kemi lënë pas janë regjistruar 11088 pacientë në një kohë që në të njëjtën periudhë të vitit 2023 ka pasur vetëm 9824 pacientë.

Shumica e pacientëve i përkasin grupmoshës 0-4 vjeç, ndërsa incidenca më e madhe është në Durrës dhe Gjirokastër.

Për të parandaluar format e rënda të sëmundjes dhe fatalitete, prej disa javësh në poliklinika ka nisur edhe ofrimi falas I vaksinës kundër gripit stinor për grupet e riskut.

LEXONI GJITHASHTU:

• Shtohen virozat e stinës në Gjirokastër, bluzat e bardha apel për vaksinën antigrip
• Vjeshta shton virozat, në 24 orë 80 fëmijë morën ndihmë në pediatrinë e Beratit