Grishaj: Tinka Kurti rrinte 15 orë në xhirime, nuk lodhej asnjëherë

Regjisori Eduart Grishaj, tha se në filmin e tij ‘Sofia’ merr pjesë edhe aktorja Tinka Kurti.

I ftuar në emisionin “Good Morning Albanians” në Euronews Albania, Grishaj tha se Kurtit i pëlqeu skenari i filmit, ndërsa shtoi se ka qëndruar 15 orë në xhirime dhe nuk u lodh asnjëherë.

“Sa ia tregova skenarin Tinka Kurtit, e pëlqeu shumë dhe, përtej moshës që është 90-vjeçe, ka ardhur dhe ka xhiruar në Qafë Thore. Ka qëndruar disa ditë. Dëshira e saj kalonte përtej moshës.

Kemi qëndruar 15 orë xhirime, dhe ajo thoshte që mund të qëndronte dhe më shumë. Ajo vazhdonte të thoshte se unë mund ta bëj dhe një herë. Thoshte se mund të jetë roli i saj i fundit”- tha Grishaj.

LEXONI GJITHASHTU: 

• Grishaj: Jam regjisori i parë që kam aktore serbe që flasin shqip
• Boksieri shqiptar: Kundërshtari grek rrezikoi të vdesë në ring