Grupi i PS mban mbledhjen e fundit për këtë sesion, asgjë kontrekte për “Zgjedhoren”

Kryetari i grupit paralmentar të PS, Bledi Çuçi, informoi deputetët socialistët për çështjet dhe projektligjet që do të diskutohen në seancën parlamentare, e cila do të shtrihet në dy ditë, të enjten e të premten për shkak të numrit të lartë të akteve.

Në rendin e ditës janë parashikuar gjithashtu dy interpelanca me ministrat Gonxhaj e Mete, raportet vjetore të disa institucioneve të pavarura, projektligjet “Për Policinë e Shtetit”; “Për rregullimin e prodhimit, tregtimit, kërkimit dhe zhvillimit të armëve, municioneve, pajisjeve dhe teknologjive ushtarake”, si dhe disa akte të tjera.

Në vijim të mbledhjes Çuçi iu tha deputetëve se propozimet e Grupit të Dialogut për Reformën Zgjedhore janë ende në fazë diskutimi në nivel politik dhe nëse do të ketë dakordësi atëhere këto propozime do t’i paraqiten seancës ditën e premte.

Më tej pati diskutime për çështje të tjera komunitare të ngritura nga deputetët sipas zonave të tyre.

LEXONI GJITHASHTU:

• Ndryshimi i herësit dhe vota e diasporës, PS depoziton projektligjin e zgjedhores
• Kolegji Zgjedhor miraton afatet ligjore për zgjedhjet në Himarë