Hajdutët e ullinjve në Greqi/ Rritja e çmimit të vajit shton rastet e vjedhjeve

Në vendet e Mesdheut grupet kriminale kanë gjetur një produkt të ri për tu pasuruar, vajin e ullirit. Grabitja e magazinave, mashtrimet me bilancet financiare janë krime në rritje në zonat ku kultivohet ulliri në Greqi, Spanjë dhe Itali. Bandat kanë zgjedhur që ti vjedhin ullinjtë duke prerë pemët e pa vjela dhe më pas marrin produktin.

 “Grabitësit kërkojnë degë të ngarkuara dhe i presin. Pra, jo vetëm që na vjedhin ullinjtë, por i bëjnë pemës një dëm serioz. Duhen katër deri në pesë vjet që ajo të kthehet në normalitet. Është tragjike, ajo që ata bëjnë”,-tha Neilos Papachristou, kultivues ulliri.

Hajdutët po i shtyjnë kultivuesit të mbledhin herët produktet dhe të kënaqen me rendimente më të ulëta për të shmangur dëmtimet afatgjata.

 “Vitin e kaluar, me 3.7 kilogramë ullinj do të prodhonin një kilogram vaj. Tani janë afërsisht 10 kilogramë ullinj për një kilogram vaj, për 600 kilogramët e mi do të marr 60 kilogramë vaj. Vitin e kaluar mora 180”,-tha Christos Bekas, kultivues ulliri.

Pas dekadash rritjeje, tregu global i vajit të ullirit është ndërprerë nga një thatësirë gati dyvjeçare. Me kërkesën globale që mbetet e lartë, prodhuesit besojnë se problemi për muajt e ardhshëm nuk do të jenë çmimet e larta, por prodhimi i pamjaftueshëm për të plotësuar nevojat.

LEXONI GJITHASHTU:

• Konferenca e NATO-s, Hasani: Shqipëria, qasje të re në sigurinë kibernetike
• Kushtetuesja pezullon ligjin e qeverisë për pronat, zbardhet vendimi