“Hajrizi po përdoret për të rritur tensionet me Kosovën”, Biserko: S’është politike

Kryetarja e komitetit të Helsinkit në Serbi, Sonia Biserko, ishte këtë të mërkurë e ftuar në një intervistë për Euronews Albania ku tha se çështja e Faton Hajrizit po përdoret për të ruajtur tensionet mes Serbisë dhe Kosovës.

Ajo tha se sipas saj Hajrizi ishte thjesht një kriminel, i cili u ndodh aty rastësisht, ndërsa politikanët serbë po tentojnë ta tregojnë si një çështje më të madhe duke aluduar se ishte një ngjarje e planifikuar nga Kosova.

“Unë mendoj se çështja po përdoret për të krijuar një narrativë të re. Hajrizi mund të jetë një kriminel i rëndomtë që u ndalua nga policia serbe. Zyrtarë si Vulin dhe Daçiç po përpiqen ta përfaqësojnë ngjarjen sikur është diçka e planifikuar nga Kosova, sikur personi në fjalë kishe përgatitur diçka më të madhe për të bërë në Serbi.

Ai ishte thjesht një kriminel që ndodhej aty rastësisht. Unë mendoj se kjo nuk është një çështje politike dhe të gjitha historitë që tregohen për të janë për të ruajtur atmosferën e tensionuar mes Kosovës dhe Serbisë”,-tha ajo.

LEXONI GJITHASHTU:

• A është gjallë Faton Hajrizi? Gazetari: Serbia nuk e ka dorëzuar trupin…
• Ish-deputeti ngre dyshime që Faton Hajrizi të jetë vrarë: Pse mund të jetë inskenim