Haradinaj: Marrëveshja për njohje me Serbinë mund të finalizohet brenda vitit

Ish-kryeministri i Kosovës, i cili aktualisht është kryetari i AAK-së, Ramush Haradinaj beson se marrëveshja për njohje reciproke me Serbinë mund të finalizohet deri në fund të këtij viti.

Në një intervistë për emisionin “Balkan Talks” në “Euronews Albania’, Haradinaj u shpreh se kjo do të ishte beteja e fundit mes Kosovës dhe Serbisë.

Sipas tij, marrëveshja për njohje do të ishte çlirim për Kosovën.

“Serbia do të insistojë në atë që ajo e quan normalizim i plotë pa njohje, de jure. Mendoj se kjo do jetë beteja e fundit mes Kosovës dhe Serbisë, e aleatëve për ta përmbyllur të plotë marrëveshjen me Serbinë. Marrëveshja për normalizimin e plotë Kosovë-Serbi me qendër njohjen reciproke është afër. Unë besoj se bëhet fjalë para Krishtlindjeve.

Kjo nuk është një punë e arritur shpejt, janë vite punë, shumë prej nesh në këtë proces. I dedikohem një falenderim të madh Uashingtonit, e ka mirëmbajtur këtë proces BE-ja për një kohë të gjatë, por nuk mbyllet pa presidentin e Amerikës. Jam i bindur që jemi në drejtim të mirë, do të ishte një lajm i mirë për ne. Lajmi për marrëveshjen do ishte një lloj çlirimi”, theksoi Haradinaj.

LEXONI GJITHASHTU

• Ish-ministri serb: Deri më 31 dhjetor të formohet Asosacioni në Kosovë
• Bërnabiç: S’ka marrëveshje të dytë për normalizim pa krijimin e Asosacionit