Haradinaj merr besimin e vetëm 54 për qind të votuesve të AAK-së

Nga rezultatet preliminare të publikuara në Komisionin Qendror të Zgjedhjeve(KQZ), Aleanca për Ardhmërinë e Kosovës (AAK) në koalicion me Nisma Socialdemokrate, Konservatorët dhe Intelektualët ka marrë 62 mijë e 309 vota ose 7.45 për qind të votave nga zgjedhjet parlamentare të mbajtuara më 9 shkurt.

Ndërsa, kandidati për kryeministër nga ky koalicion, Ramush Haradinaj ka marrë 32 mijë e 163 vota brenda kësaj liste nga ato që janë numëruar deri më tani sipas raportimeve në media.

Krahas këtyre votave të numëruara deri tani që ka marrë AAK bashkë me kolaicionin më 9 shkurt, del se 54 për qind të tyre i ka fituar Haradinaj nga votat e përgjithshme në këtë listë, raporton KosovaPress.

Në zgjedhjet 2021, AAK ka pasur 62 mijë e 111 vota, apo 7. 12 për qind.

Deri më tani nuk janë numëruar votat e diasporës, votat me kusht dhe votat e personave me aftësi të kufizuara.

• Bedri Hamza merr besimin e vetëm 66 për qind të votuesve të PDK-së
• Parlamenti Evropian kërkon heqjen e masave ndëshkuese ndaj Kosovës