Hasimja: Shkolla sot po trajtohet si kënd lojërash, nuk është si në fëmijërinë tonë

Pedagogu Ermal Hasimja tha në një intervistë për “Good morning Albanians” në Euronews Albania se shkolla sot po trajtohet si kënd lojërash.

Sipas tij shkolla nuk ka më të njëjtin impakt si më parë.

“Më shumë se shkrimi i dorës, më shqetëson raporti me shkollën. Edhe kjo çështja e shkrimit të dorës përveçse një reflektim i mënyrës se si zhvillohet teknologjia është edhe pikërisht rrjedhojë e këtij raporti me shkollën dhe me dijen,” – u shpreh Hasimja.

1 në 5 fëmijë të shkollës fillore nuk di të shkruajë me shkrim dore. Të tjerët që shkruajnë, e bëjnë me shumë vështirësi.

Ky është një alarm dhe fatkeqësisht në të gjithë botën. Studimi është bërë në Romë dhe shkaku më kryesor është teknologjia, ekranet e tabletëve dhe telefonave inteligjentë.

LEXONI GJITHASHTU:

• 1 në 5 fëmijë të shkollës fillore nuk dinë të shkruajë me shkrim dore
• Hasimja: 95 % e fëmijëve nuk duan që të shkojnë në shkollë