Havertz firmos me rivalët, Ramos drejt rikthimit në Spanjë

Tifozët e Chelseas e cilësojnë një tradhëti, por për Havertz kjo ishte një lëvizje e jashtëzakonshme. Mesfushori gjerman ka firmosur me rivalët e Arsenalit, ndërsa lajmi është konfirmuar këtë të enjte.

Topçinjtë paguan një vlerë prej 70 milion euro + 5 të tjera në formë bonusesh, ndërsa trajneri Arteta është shprehur optimist për afrimin e 24-vjecarit. Për teknikun spanjoll, merkato ende nuk ka përfunduar kjo për faktin se në ditët në vijim do të transferohet dhe mesfushori Rice.

Në Spanjë po ashtu ka lëvizje, teksa mbrojtësi Sergio Ramos është shumë pranë rikthimit. Lojtari që aktualisht është pjesë e PSG, por kontrata e tij përfundon në fund të këtij muaji, ndërsa synon të luajë sërish në La Liga, por këtë herë tek Sevilla. Një tjetër ish-lojtar që ka luajtur në Bernabeu do të ndryshojë destinacion, ai është Alvaro Morata.

Aktualisht pjesë e Atletico Madrid, por 30-vjecari dëshiron të luajë sërish në kampionatin Italian. Sipas mediave spanjolle, kanë nisur tashmë konktaktet me Milanin, ndërsa vlera e sulmuesit është rreth 20 milion euro. Nga Italia drejt Gjermanisë një tjetër lëvizje pritet të ndodhë, e ajo është transferimi i mbrojtësit Kim tek Bayerni. Akordi mes dy klubeve është arritur, bëhet fjalë për plot 70 milion euro të paguara nga gjermanët, të cilët bëhen gati për të larguar mbrojtësin Hernandez drejt Parisit.

LEXONI GJITHASHTU: 

• Referendum për ndryshimin e sistemit, partitë e vogla kërkojnë reformë zgjedhore
• Presidenti i KE-së flet për konferencën ndërkombëtare për Kosovën e Serbinë