Helikopterët e NATO-s monitorojnë situatën në Zveçan

Helikopterët e NATO-s janë parë të fluturojnë në qiellin e Zeçanit të enjten, atje ku dy ditë më parë protestuesit serbë dhunuan ushtarë të KFOR duke plagosur mbi 30 prej tyre.

NATO ka vënë në gatishmëri të lartë edhe një batalion rezervë për dislokim në Kosovë “në rast se ka nevojë”, për shkak të tensioneve në veri të vendit.

Kjo është bërë e ditur gjatë vizitës së komandantit të Komandës së Forcave të Përbashkëta të NATO-s në Napoli, admiralit Stuart Munsch, në KFOR.

Që nga 26 maji, në veri të Kosovës janë rritur tensionet, pasi po atë ditë, krerët e rinj të Zveçanit, Leposaviqit dhe Zubin Potokut – të gjithë shqiptarë – u futën në ndërtesat komunale nën përcjelljen e Policisë së Kosovës.

LEXONI GJITHASHTU:

• Tensionet në Veri dhe dhunimi i KFOR-it, Stoltenberg reagon nga samiti i NATO-s
• NATO vë në gatishmëri trupa shtesë për dislokim në Kosovë