Hematologu: Shpohet veshi i pacientit për të provuar sa zgjat gjakderdhja

Një mpiksje e papritur e gjakut mund të çojë në probleme serioze dhe madje edhe në vdekje. Në një arterie e bllokuar mund t’ju shkaktojë një atak në zemër ose një goditje në tru. Nëse ndodh në venë, mund të ndjeni dhimbje dhe ënjtje.

Sotiraq Lako, hematolog tha në emisionin GoodMorning Albanians në Euronews Albania se një procesurë e vjetër që ende përdoret për të parë se sa zgjat gjakderdhja është përmes shpimit të veshit të pacientit.

“Analiza e trombociteve është një analizë rutinë. Koha e hemorragjisë është një procedurë rutinë, bëhet te veshi dhe zgjat 2-4 minuta. Është një procedurë që po humbet, por koha e hemorragjisë normale është 2-4 minuta. Faza e dytë e mpiksjes së gjakut është faza e koagulimit që është më e fuqishmja. Hemostaza është term i përgjithshëm dhe këtu përfshihet edhe koagulimi, që ka një sërë faktorësh. Ka dy rrugë të mpiksjes së gjakut, që është ajo e brendshme e cila është më e fuqishmja dhe në analizat e përgjithshme matet me një test që bëhet para çdo ndërhyrjeje kirurgjikale”, tha mjeku.

LEXONI GJITHASHTU:

• Mpiksja e gjakut, problem i përhapur që rrezikon dhe jetën…
• Studimi: Testet e gjakut mund të diagnostikojnë Alzheimerin njësoj si skanimet