Hetimet në Kadastër/ Policia ekzekuton masat e sigurisë për 4 persona, akuzat

Policia ka ekzekutuar masat e sigurisë të lëshuara nga GJKKO ndaj katër personave, në kuadër të operacionit të koduar “Ndikimi”.

Ata dyshohen se kanë kryer në bashkëpunim veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni aktiv në zgjedhje”.

Sipas hetimeve të SPAK janë kryer legalizime me qëllim përfitimin e votës.

Konkretisht GJKKO ka vendosur:

Masë sigurie “Arrest në burg” për D. S., 46 vjeç, banues në Tiranë, për veprën penale “Kanosja për shkak të detyrës”;

Masë sigurie “Arrest në burg” për A. O., 62 vjeç, banues në Tiranë, për veprën penale “Kanosja për shkak të detyrës”;

Masë sigurie “Arrest në shtëpi” për A. H., 47 vjeç, banues në Tiranë, për veprën penale “Goditjet për shkak të detyrës”;

Masë sigurie “Detyrim paraqitjeje” për Y. B., 47 vjeç, banues në Tiranë, për veprën penale “Prodhimi i armëve luftarake”.

Shtetasit e mësipërm dyshohen se kanë kryer në bashkëpunim veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni aktiv në zgjedhje”.

LEXONI GJITHASHTU: 

• Hodhën molotovë në protestën para Bashkisë, 1 i arrestuar, 1 nën hetim
• Politologu: Ca pasurohen, e ca varfërohen për shkak të politikës