Politologu: Ca pasurohen, e ca varfërohen për shkak të politikës

Politologu Ermal Hasimja tha në “Barometri” në Euronews Albania se shqiptarët ende nuk e dinë se çfarë është demokracia.

Sipas tij në përgjithësi koncepti i shqiptarëve për demokracinë është shumë ndryshe nga parimet që demokracia ka. Nëse pyeten shqiptarët se përse nuk e pëlqejnë demokracinë në Shqipëri, ata thonë “ca pasurohen, e ca varfërohen.

“Kur ti flet për demokraci, flet për zgjedhje të lira e të ndershme, flet për pluralizëm politik, flet për sundim të ligjit flet për liri të medias, flet për rotacion të pushtetit dhe disa elementë të tjerë, por këto janë kryesoret.

Por po ti pyesësh njerëzit të paktën 30-40% e tyre, se përse mendojnë se nuk ka demokraci në Shqipëri, ata do thonë, sepse ka korrupsion, ka vjedhje, ca pasurohen e ca po varfërohen. Gjëra që mund të jenë pasoja të problemeve që ka demokracia, por jo domosdoshmërish kriteret që përkufizojnë demokracinë”,-tha Ermal Hasimja.

LEXONI GJITHASHTU:

• Politologu: Shqiptarët kanë më të rëndësishme politikën se fenë në jetën e tyre
• Shqiptarët pak zë në qeverisje