Hetuesit e OKB-së: Izraeli ka kryer gjenocid në Gaza

Një komision hetimor i Kombeve të Bashkuara ka dalë me përfundimin se Izraeli ka kryer akte gjenocidi ndaj popullatës palestineze në Rripin e Gazës që nga fillimi i luftës me Hamasin në vitin 2023.

Në raportin e publikuar së fundmi, thuhet se ekzistojnë “baza të arsyeshme” për të konkluduar se katër nga pesë aktet që përbëjnë gjenocid, sipas së drejtës ndërkombëtare, janë kryer nga Izraeli. Këto përfshijnë: vrasjen e anëtarëve të një grupi të mbrojtur, shkaktimin e dëmtimeve të rënda trupore dhe mendore, krijimin qëllimshëm të kushteve për shkatërrimin e grupit dhe pengimin e lindjeve.

Raporti citon deklaratat e disa udhëheqësve politikë dhe ushtarakë izraelitë, si dhe sjelljen e forcave të armatosura, si dëshmi të një qëllimi të qartë gjenocidal.

Nga ana tjetër, Ministria e Jashtme e Izraelit e ka hedhur poshtë kategorikisht raportin, duke e cilësuar si “të shtrembëruar dhe të rremë”, ndërsa ka akuzuar OKB-në për njëanshmëri të vazhdueshme ndaj shtetit hebre.

LEXONI GJITHASHTU:

• Trump padit New York Times-in për shpifje, kërkon 15 miliardë dollarë
• Ish-ambasadori holandez: Gjykata në Hagë po i shërben Serbisë, jo drejtësisë