U hodh këtë të martë shorti për fazën e ndeshjeve të “Final 4”, mini-turneut që përcakton kampionen e re të Superligës.

Në shortin e organizuar nga Federata Shqiptare e Futbollit, katër ekipet më të mira të sezonit të rregullt u ndanë në dy vazo: Egnatia dhe Vllaznia në të parën, Dinamo dhe Partizani në të dytën.

Çiftet gjysmëfinale të përcaktuara janë:

• 4 maj: Vllaznia – Dinamo

• 5 maj: Egnatia – Partizani

Të gjitha ndeshjet e turneut do të zhvillohen në stadiumin “Arena Kombëtare” në Tiranë.

Finalja për vendin e tretë do të luhet më 9 maj, ndërsa finalja e madhe për titullin kampion është planifikuar për 12 maj.

Sipas formulës së re të “Final 4”, Egnatia dhe Vllaznia – dy skuadrat e renditura në vendet 1 dhe 2 pas sezonit të rregullt – mund të kalojnë në finale edhe në rast barazimi në ndeshjet gjysmëfinale. Kjo është një avantazh për pozicionimin e tyre të lartë në klasifikim.

Shpërblimet dhe pjesëmarrja në Evropë:

• Skuadra kampione do të marrë pjesë në raundin e parë kualifikues të UEFA Champions League.

• Tre skuadrat e tjera do të përfaqësojnë Shqipërinë në raundin e parë të UEFA Conference League.

Përballja Egnatia – Partizani është përsëritje e finales së vitit të kaluar, ku triumfuan rrogozhinasit.

LEXONI GJITHASHTU:

• Do të jetë i huaj, zbulohet gjyqtari i njohur që do drejtojë finalen e “Final 4”
• Tirana lufton për mbijetesën në Superligë, Pogradeci tenton surprizën në play-out
• “Tirana kishte fat që i shpëtoi rënies direkte”, Dabulla: Dinamo ishte e pamotivuar