Deputeti i Partisë Demokratike, Agron Gjekmarkaj tha këtë të hënë në faltoren e Kuvendit se nëse propozimi i rezolutës anti-korrupsion do të ishte bërë më herët, mbase nuk do e shikonte me kaq dyshime.
Ai tha se mazhoranca ka votat për të bërë çdo lloj ligji dhe se nuk ka qenë ky draft-rezolutë që e ka penguar atë të mirëqeveriste.
“Nëse në vjeshtën e 2023 do isha në sallë si deputet nuk do kisha paragjykime mbase për rezolutën. Mund ta quanit edhe rezoluta e mirësisë, kush ju ndalon. Mund të bëni edhe një rezolutë për pinguinët dhe arinjtë polar, kush ju pengon? I keni votat bëjeni.
Kush ju ka nxitur të kaloni nga hajdutëria në hajdutëri? Ky tekst dyfaqësh.
Parardhësit e atyre që të çonin në kampe përqendrimi, të japin sot parabola integrimi e leksione Europe.
Padronët e Kushtetutës na flasin për harmoni kur sot Shqipëria e ka gjithçka formale e në letër. Politikisht nuk jeni individë, vetëm biologjikisht jeni.
Hetuesit e komunizmit flasin për reformën në drejtësi, kjo është hija e zezë e kësaj rezolutë. Ju jeni vetëm biologjikisht individ, politikisht nuk jeni. Shqipëria po boshatiset, shqiptarët po i dëbon qeveria, kryeministri, keqqeverisja, kryebashkiakët, drejtësia e vonuar me 125 mijë dosje që kërkojnë 125 vite për tu gjykuar. Drejtësia që arreston liderin e opozitës pa provë, pa akuzë pa krim”,-tha Agron Gjekmarkaj.
LEXONI GJITHASHTU:
- Çuçi prezanton rezolutën anti-korrupsion: SPAK s’mund të jetë i vetmi që e lufton
- Rezoluta anti-korrupsion, gazetarja: Si lindi ideja dhe takimi i Rama-Xhafaj
