‘Histori kulakësh si në ’45’, Manjani: Ndarja e popullit në përqindje, diktaturë

Juristi Ylli Manjani e cilëson kulmin e diktaturës ndarjen e popullsisë në përqindje sa i përket konsumit të energjisë elektrike.

Në emisionin Barometri në Euronews Albania, Manjani u shpreh se ideja që 90 për qind a më shumë janë të lumtur dhe 1 për qind duhet ta paguajnë me çmim 100 për qind më të lartë është poshtërsi.

“Çfarë është kjo histori me kulakë si në 45, pse u dashkan ndarë njerëzit në përqindje?! Ideja që 90 për qind a më shumë janë të lumtur dhe 1 për qind u dashka ta paguajnë me çmim 100 për qind më të lartë kjo është poshtërsi. Po të jetë burrë shteti Edi Rama 200 KW ta vërë fashën, aty i duket burrëria. Energjia prodhohet me 3 lekë për kilovat nga uji, pse duhet ta ble me 41 lekë”, tha Manjani.

LEXONI GJITHASHTU:

• Sejdarasi: 53 900 familje preken nga fasha mbi 800 KW
• 5.5 % e shqiptarëve preken nga fasha 800 kw