Historia e fëmijëve të emigrantëve shqiptarë në Greqi

Historia prekëse e katër të rinjve me origjinë shqiptare, të lindur dhe rritur në Greqi, u shfaq në dokumentarin e “Albgreko” me regji të Ilir Tsouko.

Të rinjtë të cilët lëvizin mes dy identiteteve as vetëm shqiptarë, as vetëm grekë, por njëkohësisht të dyja, pasqyrojnë sfidat e përkatësisë hibride në shoqërinë e sotme u shfaq.

“Është dashur 6 muaj që te intervistoj njerez, morëm më shumë se 30 njerëz, na duhej 3 orë per secilin që të gjenim eksperienca të ngjashme, por histori të ndryshme. Ishte sfiduese! Sfida ishte të jepnim informacion dhe emocione, jo në të njëjtën kohë, por për të krijuar një narrativë bazuar në histori”- shprehet Ilir Tsouko, regjisor.

Dokumentari prej 27 minutash paraqet temën e fëmijëve të emigrantëve shqiptarë, që ndajnë historitë e një trashëgimie të përbashkët shqiptare dhe greke, duke e bërë identitetin e tyre një busull për një të ardhme më të ndritur.

“Kjo urë duhet të përdoret për të lidhur dy shtete. Greqia ka privilegjin e madh te ketë një pjesë të popullsisë me origjinë shqiptare dhe 81% shqiptarë kërkojnë nënshtetesine greke. Kjo ështe unike. Le ta marrim këtë mundësi sepse ka të bëjë me të ardhmen e shoqërisë tonë, fëmijëve tanë”-shprehet Dimitris Christopoulos, Profesor në Athinë.

Filmi përcjell një mesazh reflektimi mbi identitetin, migracionin dhe integrimin.