English

Historia e Shqipërisë/ Fischer: Nuk mund të kuptohet, pa njohur popullin shqiptar

KOMENTE

SHPERNDAJE
ARTIKULLIN

Text sizeAa Aa

Bernd Fisher, një nga studiuesit më të njohur të historisë, zhvilloi në Tiranë një bashkëbisedim për librin e tij “Një histori e përmbledhur e Shqipërisë”. Ai komentoi dhe zhvillimet në Kosovë duke u shprehur se duhet të ketë më shumë presion ndaj Serbisë për të njohur pavarësinë.

- Advertisement -

Historiani dhe studiuesi i njohur gjerman i historisë shqiptare, Bernd J. Fischer zhvilloi një bashkëbisedim me kolegë, historianë shqiptarë, dhe lexues mbi librin “Një histori e përmbledhur e Shqipërisë”, botuar një vit më parë me bashkautor studiuesin Oliver Jens Shmitt.

Libri, botimi i të cilit u kërkua nga Universitetit të Kembrixhit është historia e shtetit shqiptar, e ndarë në dy pjesë për të paraqitur historinë komplekse të Shqipërisë. Autori thotë se historia e shtetit shqiptar, nuk mund të tregohet pa kuptuar më parë historinë e popullit shqiptar.

“Pjesa e parë flet ndërlidhjet e tyre me romakët, bizantinët, otomoanët, venecianët dhe fuqitë e mëdha moderne dhe gjithashtu në marrëdhëniet e tyre me kombet e tjera ballkanike sllave, greke dhe rumune duke përfshirë çështjet komplekse të gjuhës dhe fesë.

Pjesa e dytë e librit është historia e shtetit shqiptar, natyrisht që fillon me pavarësinë dhe më pas përfshin tmerret e luftës së parë botërore, periudhën kritike të mesluftës nën sundimin e mbretit zog, luftën e dytë botërore, regjimin e Enver Hoxhës dhe rimëkëmbjen postkomuniste”, -tha Bernd Jurgen Fisher.

Autorët kanë ndarë në mënyrë objektive interpretimet nacionaliste dhe me anë të fakteve rrëzojnë teza abuzive që hedhin idenë e një shteti të sajuar.

Pjesë e bashkëbisedimit ishte gjithashtu Drejtori i Bibliotekës Kombëtare Pirro Misha i cili e komenton librin si një vlerë e shtuar e studimeve shqiptare.  

“Është një libër që i jep shumë studimeve shqiptare dhe mendoj se është një kontribut shumë i rëndësishëm në historiografinë shqiptare. Sigurisht që do të hapë polemika dhe debate, por ky është qëllimi i një libri. Unë mendoj se është një libër që nxit mendime, sepse sfidon disa nga rrëfimet tradicionale të të ashtuquajturës historiografi zyrtare. Është një libër ku shumë faqe të historisë sonë janë paraqitur ndryshe nga tekstet shkollore”,-tha Pirro Misha.

Për situatën aktuale në Kosovë, historiani, Bernd J. Fischer theksoi se ndihet i keqardhur se duhet më shumë presion ndaj Serbisë për të rregulluar marrëdhëniet e tyre me Kosovën.

“Unë isha në Kosovë dhe bisedova me njerëzit në Prishtinë, dhe ka shumë pikëpamje të ndryshme se kush është përgjegjës, dua të them se kush qëndron pas ngjarjes.

mendoj se është një përshkallëzim serioz i marrëdhënieve mes Serbisë dhe Kosovës. Unë sigurisht shpresoj qe rezultati të jete ndoshta pak më shumë presion për Serbinë për të rregulluar marrëdhëniet e tyre me Kosovën dhe më pas përfundimisht për ta njohur Kosovën si një shtet të pavarur.

Nuk jam i sigurt se ky do të jetë rezultati, por ne me siguri shpresojmë dhe padyshim, si gjithë të tjerët, më vjen keq për humbjet e jetës dhe shpresoj që kjo të mos ndodhë më”, -tha Bernd Jurgen Fisher.

Përpjekja e dy autorëve, Bernd J. Fischer dhe Oliver Jens Shmitt për të zbërthyer një sërë mitesh të rrëfimeve tradicionale, do të hapë debate dhe do të ketë reagime, por sigurisht që do të kontribuojë në mënyrën se si ne e shohim historinë tonë.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?