Historiania për Belerin: Ka punuar kundër Shqipërisë, s’duhet të ishte kandidat

“Fredi Beleri nuk duhet të ishte fare kandidat”, kështu tha Historiania Eleni Kocaqi e ftuar në Euronews Albania për të folur rreth arrestimit dy ditë para zgjedhjeve të kandidatit të koalicionit “Bashkë fitojmë” për Himarën.

Ajo shtoi më tej se kandidati Beleri ka pasur edhe akuza të mëparshme në drejtim të tij dhe sipas saj për të tillë individ të cilët kanë punuar kundër Shqipërisë, duhet të ekzistojë një ligj i veçantë i cili i ndalon të zgjidhen përjetësisht në pozicione politike.

“Në fakt kandidati nuk duhet të ishte fare kandidat nëse në Shqipëri do kishim një shtet ligjor dhe një politik majtas dhe djathtas të përgjegjshme, për arsye se ai ka qenë i akuzuar më parë për disa vepra të tjera.

Shteti shqiptar duhet të kishte një legjislacion të posaçëm për të gjithë personat që kanë punuar kundër Shqipërisë dhe kanë bërë vepra penale, nuk duhet të zgjidhen përjetësisht në një pozicion politik. Kandidatë si zoti Beleri kanë përfituar nga anarkia në politikën shqiptare”,-tha Eleni Kocaqi.

LEXONI GJITHASHTU:

• Nga hetimi i masakrës së Peshkëpisë tek dënimi për urrejtje, kush është Fredi Beleri
• U arrestua për Pazar votash, GJKKO lë në arrest shtëpie Kristo Agalliu