HIV AIDS, mjekët: Dominojnë moshat e reja, kanë turp të marrin masa mbrojtëse

Sëmundjet seksualisht të transmetueshme po njohin rritje dita ditës. Mjekët infeksionist referojnë se shkaqet janë disa, por faktor kryesor mbetet se shoqëria shqiptare e ka ende tabu bisedën për marrëdhëniet seksuale.

“Ajo që evidentohen është ndryshimi i partenerëve seksual që është një faktor i rëndësishëm. Marrëdhnëiet mes të njëjtës gjini, ulja e moshës se aktiviteti seksual, mungesa informacionit, dhe në popullata që kanë informacion , del problem tjetër mënyrat e transmetimit njihen vështirësia është e madhe se ekzistojnë tabu, nuk shkojnë të blejnë një prezervativ”- theksoi Nevila Kryemadhi mjeke infeksioniste.

Me të prekur janë adoleshentët dhe të rinjtë. “Grup-mosha është ulur haset poshtë të 20 ,kemi pacient 14 apo 15 vjeç si të infeksioneve gjenitale ashtu dhe HIV AIDS”- shton ajo.

Shqiptarët kanë turp të mbrohen por kur vjen puna te paraqitja tek mjeku a vijnë faza të hershme apo dhe këtu  kanë turp dhe vijnë vonë?

“Kryesisht vijnë vonë, e para se janë asimtomatike dhe kjo bën të paraqitesh në forma të vona, dhe  dyta turpi I bën të vijën në faza të vonshme kjo shihet tek HIV AIDS kur vijnë vonë

Sëmundjet që përhapen me anë të marrëdhënieve të pambrojtura janë disa duke nisur nga infeksionet deri tek HIV AIDS.

“HIV AIDS dominon, në numër pastaj fillojnë sifiliz por ajo që thashë janë dhe sëmundjet bakteriale, klamidiaza, gonokoku, sëmundjet parazitare”- theksoi ndër të tjera ajo.

Në klinikën e posaçme për sëmundjet seksualisht të transmetueshëm në spitalin infektiv paraqiten për këshillim mesatarisht  10 pacientë në ditë.

LEXONI GJITHASHTU:

• Ndalimi i muzikës pas mesnate, bizneset ankohen për vendimin: Largon turistët
• Bie numri i krimeve, në vitin 2022 u shënuan 1700 vepra penale më pak se në 2021