Dy persona janë arrestuar nën dyshimin se kanë hedhur mjete shpërthyese në konsullatën ruse në qytetin francez të Marsejës.

Të arrestuarit dyshohen se kanë hedhur “tre mjete shpërthyese të prodhuara në vend” në kopshtin e Konsullatës së Përgjithshme Ruse në Marsejë të hënën, raporton Parisien.

Policia deklaroi se ishin përfshirë tre shishe gjysmë litri.

Siç raportohet, shpërthime janë dëgjuar në konsullatë, por nuk ka pasur dëme dhe nuk ka të lënduar.

Zyra e prokurorit të Marsejës, sipas Le Parisien, tha se dy burrat u arrestuan mbrëmë gjatë protestave të mbajtura në mbështetje të Ukrainës.

Ata u identifikuan në bazë të pamjeve nga kamerat e sigurisë pranë konsullatës. Prokuroria publike e Marsejës ka hapur një hetim për incidentin.

Ministria e Jashtme ruse e quajti sulmin ndaj konsullatës një akt terrorist.

LEXONI GJITHASHTU:

• Shpërthim pranë konsullatës ruse në Marsejë, diplomati rus: Sulm terrorist
• Policia franceze hyn në Marsejë, operacion masiv kundër drogës dhe dhunës