Hoti: Do fillojnë gërmimet në Serbi për varrezë masive

Në ditët e ardhshme, do të fillojnë gërmimet në Serbi në një lokacion të dyshuar për varrezë masive.

Kështu ka bërë me dije këtë të martë, kryetari i Komisionit Qeveritar për Persona të Pagjetur Andin Hoti, shkruan Kosova Press.

Hoti u shpreh se janë bërë disa kërkesa për imazhe satelitore në vendet partnere të Kosovës, por ende nuk kanë marrë përgjigje.

“Këto ditë delegacioni i Kosovës, në Serbi do të fillojë gërmimet edhe në një lokacion të radhës. Por natyrisht ne kemi pritur dhe vazhdojmë me urgjencë t’i kërkojmë imazhet satelitore sepse ne kemi pasur disa informacione për lokacione të ndryshme në Serbi por jo të mjaftueshme”, ka thënë Hoti.

Ai ka deklaruar se lokacioni në të cilin do të gërmohet në Serbi do të bëhet e ditur së shpejti.

LEXONI GJITHASHTU

• ​Rifillojnë gërmimet për mbetjet mortore të viktimave të luftës në Kizhevak