Hoti: Osmani dhe Kurti jo në lartësinë e duhur për të arritur marrëveshje me Serbinë

Ish-kryeministri i Kosovës, Avdullah Hoti deklaroi se aleatët si SHBA-ja, Gjermania dhe Franca po përpiqen të negociojnë njohjen reciproke Kosovë-Serbi, por se presidentja Vjosa osmani dhe kryeministri Albin kurti nuk janë në lartësinë e pritshmërive.

Në një intervistë për emisionin “Balkan Talks” në “Euronews Albania”, Hoti u shpreh se qeveria e drejtuar nga kryeministri Albin Kurti, nuk duhet të jetë pengesë për faktorin ndërkombëtar në kuadër të përpjekjeve për arritjen e marrëvedhjes me Serbinë.

Sipas tij, Lidhja Demokratike e Kosovës (LDK), insiston në sovranitetin shteteror, integritetin territorial dhe njohjen reciproke si tre parime themelore te panegociueshme në kuadrin e dialogut.

“SHBA, Gjermania dhe Franca janë shumë të interesuara dhe po perpiqen të negociojnë për arritjen e një marreveshjeje finale mes Kosovës dhe Serbisë. Presidentja Vjosa Osmani dhe kryeministri Albin Kurti nuk janë në lartësinë e pritshmërive për të kontribuar për arritjen e marrëveshjes finale. Ata janë dhe peng i të kaluarës se tyre, kur sulmonin çdo marrëveshje të arritur me Serbinë ne kuadrin e dialogut në Bruksel.

Qeveria e kryeministrit Kurti nuk po arrin të kuptoje se Kosova nuk duhet të jetë dhe nuk duhet të bëhet pengesë për faktorin ndërkombëtar në kuadrin e përpjekjeve të tyre për arritjen e marreveshjes finale. LDK insiston në sovranitetin shteteror, integritetin territorial dhe njohjen reciproke si tre parime themelore te panegociueshme në kuadrin e dialogut me Serbinë”, theksoi ai.

LEXONI GJITHASHTU

• Vuçiç i prerë: Nuk do ta njohim Kosovën
• Lajçak pas takimit me Kurtin: Diskutim i rëndësishëm, s’jap detaje