Humbi kontaktet me familjen në Itali, 27-vjeçarja gjendet në klinikën e QSUT

Olga, vajza e cila po kërkohej nga prindërit italianë është gjetur në urgjencën QSUT. Nuk dihet deri më tani gjendja shëndetësore e saj.

27-vjeçarja italiane humbi kontaktet me familjen e saj në Itali. Përmes rrjeteve sociale, e ëma Arianna Lombardo Moderini Meriggi, njoftoi se Olga ishte me pushime në Tiranë dhe po qëndronte në zonën e Astirit.

Sipas Ariannës, Olga duhej të ishte kthyer në vendin fqinj të dielën në mbrëmje, por një gjë e tillë nuk ka ndodhur, pasi për asnjë moment nuk është paraqitur në Rinas për t’u nisur për në Itali.

“Ajo nuk u shfaq në aeroport dhe nuk kemi dëgjuar më për të. Tashmë autoritetet kompetente kanë ndërhyrë për ta gjetur, por ndihma e kujtdo që e ka parë së fundmi apo e ka takuar do të ishte shumë e dobishme. Kushdo që ka informacion të dobishëm mund të shkruajë në kutinë postare:

[email protected], të kontaktojë drejtpërdrejt me policinë e Tiranës ose Ambasadën Italiane në Tiranë”, thuhet në mesazhin e tyre.

LEXONI GJITHASHTU:

• Thirrja çiftit italian: Na ndihmoni të gjejmë vajzën, u zhduk në Tiranë
• Veterineri: Qytetari në Përmet i theu këmbët dhe krahët hutës për ta balsamosur