Veterineri: Qytetari në Përmet i theu këmbët dhe krahët hutës për ta balsamosur

Një ngjarje e pazakontë ka ndodhur dy ditë më parë në fshatin Buhal të Përmetit ku një shqiponjë është lidhur në një portë me qëllim që të balsamosej e gjallë.

Shërbimet e Komisariatit të Policisë Përmet, specialistët e Agjencisë së Zonave të Mbrojtura dhe një veteriner, i shkuan në ndihmë shpendit të keqtrajtuar.

Shqiponja po merr ndihmë të specializuar mjekësore nga veterineri dhe akoma nuk dihet nëse do arrijë që të mbijetojë.

Ariel Vasili, veterineri që e kuroi shpendin fatkeq tregoi në emisionin GoodMorning Albanians në Euronews Albania se personi që kreu krimin makabër i kishte thyer këmbët dhe krahët hutës me qëllim për ta balsamosur.

“Nuk është kapur me armë, është një hutë e re 2-3 vjeçare dhe këto zakonisht nuk kanë eksperiencë në gjueti. Ka raste që këto kafshë, duke qenë në gjueti u ngecen kthetrat diku në një gardh për disa sekonda. Thyerjet janë bërë nga dorë njeriu me mjete të forta, këtë edhe mund ta firmos. Balsamosja në Shqipëri është e jashtëligjshme nëse nuk bëhet nga një ekspert i shkencave të natyrës, por jemi një vend që ka vite që është në tregun e zi të kafshëve”, tha veterineri.

LEXONI GJITHASHTU:

• U kryqëzua në mënyrë çnjerëzore në Përmet, shqiponja nuk i mbijeton plagëve
• Masakrohet shqiponja në Përmet, kryqëzohet e gjallë (Video)