I akuzuar nga Italia për trafikim të qenieve njerëzore, kapet egjiptiani në Durrës

Një shtetas egjiptian është arrestuar në Durrës pasi ishte shpallur në kërkim pas një urdhër arresti të lëshuar nga Gjykata e Katanias në Itali.

49-vjeçari Walid Elabd akuzohet për krijimin e një organizate kriminale për trafikim të qenieve njerëzore.

Njoftimi i policisë

“Finalizohet nga Drejtoria e Forcës së Posaçme Operacionale, operacioni policor i koduar “Operacionalja 36”.

Si rezultat i koordinimit të informacioneve dhe veprimeve policore me homologët italianë, nëpërmjet specialistëve të Interpol Tiranës, Drejtoria e Forcës së Posaçme Operacionale, në kuadër të operacionit “Operacionalja 36”, kapi në Durrës dhe vuri në pranga shtetasin e shpallur në kërkim ndërkombëtar, për llogari të Italisë, W.E., 49 vjeç, të lindur në Egjipt.

Gjykata e Katanias, Itali, ka lëshuar urdhër arresti për këtë shtetas për veprën penale “Trafikimi i qenieve njerëzore”, kryer në kuadër të organizatës kriminale.

Për këtë veprimtari kriminale, ligji në Itali parashikon si dënim maksimal 20 vjet burgim.

Interpol Tirana vijon bashkëpunimin me Interpol Romën, për të finalizuar procedurën për ekstradimin e 49-vjeçarit në Itali”, thuhet në njoftimin e policisë.

LEXONI GJITHASHTU:

• Me pistoleta nga Kosova drejt Tiranës, momenti kur arrestohen 2 trafikantët e armëve
• Në hetim në Gjermani për trafik droge, sekuestrohen pasuritë e 1 shtetasi në Tiranë