I akuzuar për trafik droge, sekuestrohen 22 prona dhe automjete të 50-vjeçarit

Policia e Shtetit ka sekuestruar 22 pasuri të paluajshme dhe automjete në pronësi të një 50-vjeçari, të akuzuar nga autoritetet belge, si pjesëtar i një organizate kriminale për trafikim droge.

Pasuritë në fjalë janë në emër të 50-vjeçarit me inicialet E. G., 50 vjeç, lindur në Vlorë, dhe të familjarëve të tij.

Dyshohet se pronat dhe automjetet janë vendosur si pasojë e veprimtarisë kriminale që ky shtetas kishte jashtë vendit.

Policia bën me dije se po vijon puna me qëllim zbulimin dhe sekuestrimin e pasurive të tjera që mund të kenë si burim, veprimtaritë kriminale të 50-vjeçarit.

“Në kuadër të operacionit “Filtri”, u sekuestruan 18 pasuri të paluajtshme (apartamente, sipërfaqe toke, njësi shërbimi, garazh dhe depo), të ndodhura kryesisht në lagjen “Uji i ftohtë”, Vlorë dhe në Durrës, si dhe 4 automjete të tipeve të ndryshme, të cilat dyshohet se janë përfituar nga shtetasi E. G. dhe nga familjarët e tij, për shkak të veprimtarive kriminale të 50-vjeçarit”, njofton policia.

Materialet procedurale në ngarkim të tij i kaluan Prokurorisë së Posaçme për Korrupsionin dhe Krimin e Organizuar, për veprime të mëtejshme.

LEXONI GJITHASHTU:

• Britania kërkon ndalimin e kalimit me gomone, Hoxhaj: Projektligji shkel Konventën
• VIDEO | Momenti kur “Audi A8” çan barrierat dhe përfundon në autostradë
• Historiku i shkeljeve të 20-vjeçarit: Gjoba për shpejtësi, përdorim telefoni e gara