I dënuar me 6 vite burg për mbi 800 kg drogë, ekstradohet nga Greqia Surja Sinani

48-vjeçari Surja Sinani është ekstraduar ditën e djeshme nga Greqia në Shqipëri, pasi ishte dënuar me 6 vite burg në vendin tonë për trafik droge.

Ditën e sotme është ekzekutuar vendimi i Gjykatës së Gjirokastrës për këtë shtetas, i cili ishte i shpallur në kërkim.

48-vjeçari iu dorëzua Drejtorisë së Përgjithshme të Burgjeve, me qëllim kryerjen e veprimeve të mëtejshme, për të vijuar dënimin.

Sipas Policisë, në vitin 2014 ky shtetas në bashkëpunim me persona të tjerë, transportonte rreth 700 pako me cannabis sativa, me peshë totale rreth 837 kilogramë.

Njoftimi i Policisë:

Gjirokastër-Specialistët e Seksionit për Hetimin e Trafiqeve dhe Narkotikëve ekzekutuan vendimin penal të datës 05.04.2016, të Gjykatës së Shkallës së Parë të Juridikionit të Përgjithshëm Gjirokastër, për shtetasin e shpallur në kërkim ndërkombëtar Surja Sinani, 48 vjeç, i lindur në Gjirokastër, i cili u ekstradua ditën e djeshme, nga Greqia në Shqipëri.

Gjykata e Gjirokastrës e ka dënuar këtë shtetas, me 6 vjet burgim, për veprën penale “Prodhimi dhe shitja e narkotikëve”. Në vitin 2014, shtetasi Surja Sinani, në bashkëpunim me shtetas të tjerë, transportonte rreth 700 pako me cannabis sativa, me peshë totale rreth 837 kilogramë.

48-vjeçari iu dorëzua Drejtorisë së Përgjithshme të Burgjeve, me qëllim kryerjen e veprimeve të mëtejshme.️

LEXONI GJITHASHTU:

• Nxori dokumente sekrete, Assange fiton të drejtën për të sfiduar ekstradimin në SHBA
• Kërkohet nga Interpoli ne Moskë, Apeli lë në fuqi vendimin për ekstradimin e rusit