I dënuar për prodhim dhe shitje të narkotikëve, ekstradohet nga Italia 31-vjeçari

Është ekstarduar nga Italia në Shqipëri shtetasit Klajdi Murrizi, 31 vjeç, i kërkuari ndërkombëtarisht për veprimtari kriminale në fushën e narkotikëve.

Sipas raportimeve, 31-vjeçari ka qenë i shpallur në kërkim ndërkombëtar, pasi në vitin 2024, me vendim të formës së prerë, Gjykata e Apelit e Juridiksionit të Përgjithshëm Tiranë ka vendosur deklarimin fajtor për kryerjen e veprave penale “Prodhimi dhe shitja e narkotikëve, e kryer në bashkëpunim” dhe “Mosbindja ndaj urdhrit të punonjësit të Policisë së Rendit Publik”, duke e dënuar me 6 vite burgim.

Sakaq, në vitin 2022, Klajdi Murrizi, në momentin që do t’i dorëzonte një sasi lënde narkotike një shtetasi tjetër, është diktuar nga shërbimet e Policisë.

Ai ka hedhur lëndën narkotike dhe është larguar me shpejtësi me një automjet me targa të huaja, duke mos iu bindur për të ndaluar punonjësve të Policisë në një pikë kontrolli tjetër të ngritur për kapjen e tij, në afërsi të Divjakës.

Ndërkohë, pas ekstradimit, Murrizi iu dorëzua Drejtorisë së Përgjithshme të Burgjeve për veprime të mëtejshme.

LEXONI GJITHASHTU:

• Muriqan/ Trasportonte pije të kontrabanduara nga Mali i Zi, arrestohet 46-vjeçari
• Tritoli në Kamëz, arrestohet polici që shoqëroi për herë të fundit Ervis Martinajn