I ftohti ekstrem| Mjeku shqiptar nga SHBA: Farmacitë i çojnë ilaçet në shtëpi

Mjeku epidemiolog në SHBA, Skënder Myrtezani, është shprehur se farmacitë kanë në orarin e tyre edhe shpërndarjen e ilaçeve.

Komentet Myrtezani i bëri në emisionin “Good Morning Albanians” në Euronews, ku tha se në SHBA është zhvilluar telemjekësia.

Ai shtoi gjithashtu se në disa zona të SHBA-së ka pasur temperatura shumë të ulëta, por sipas tij, vendi është i përgatitur për këtë situatë.

“Te ne është një zgjidhje, por kërkon angazhimin e pacientit. Është telemjekësia. Ne takimet i bëjmë me telemedicinë. Disa farmaci kanë në orarin e tyre edhe shpërndarjen e ilaçeve, por në kohë të keqe vërtet duhet të angazhohet ndonjë familjar i pacientit.

Për fat të mirë temperaturat e ulëta nuk zgjasin shumë. Në Neë York zgjasin 1-2 javë. Edhe pjesa rreth kufirit të Kanadasë ka temperatura shumë të ulëta. Por kjo nuk është një gjë e re, ata janë të përgatitur për këtë lloj kohe”, tha Myrtezani.

LEXONI GJITHASHTU:

• Janari muaji më i ftohtë i vitit, kur pritet të ulen temperaturat
• Shqipëria pushtohet nga i ftohti në fundjavë, ulen ndjeshëm temperaturat