Policia e Tiranës ka nisur hetimet për një 53-vjeçar, pasi djali i tij 12 vjeçar u filmua duke qëlluar me një pistoletë manovër, video e cila më pas u publikua në një portal.
Sipas policisë, 12-vjeçari është filmuar duke qëlluar në ajër me një pistoletë manovër, e cila është sekuestruar së bashku me 14 fishekë manovër.
Njoftimi i Policisë së Tiranës
“Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasin B. X., 53 vjeç, pasi në një video të postuar në një portal, shfaqet djali i tij 12 vjeç, duke qëlluar në ajër, me pistoletë manovër. Ky send u gjet nga Policia dhe u sekuestrua me cilësinë e provës materiale, bashkë me 14 fishekë manovër”, thuhet në njoftimin e policisë.
LEXONI GJITHASHTU:
- Hakerimi i e-maile-ve të prokurorëve, SPAK del me njoftim zyrtar
- Dinamika/ Si e vrau filipinasi shqiptaren, në banesë ishin dhe prindërit e tij