I mori para disa herë një vajze me anë të mashtrimit, kapet në flagrancë 21-vjeçari

Një 21-vjeçar ka rënë në prangat e Policisë së Tiranës, pasi dyshohet se ka mashtruar në mënyrë të përsëritur disa qytetarë, me qëllim përfitimin e shumave të konsiderueshme të parave.

Sipas njoftimit të policisë, i riu u arrestua në flagrancë, në momentin që shkoi për të marrë një shumë parash nga një 26-vjeçare, të cilën e kishte mashtruar edhe më parë.

Efektivët e Komisariatit Nr. 2 organizuan operacionin policor të koduar “Strategjia”, pas kallëzimit të shtetases, e cila deklaroi se ishte mashtruar disa herë nga 21-vjeçari E. H., i cili përdorte identitet të rremë.

I riu, banues në Paskuqan, u ndalua në flagrancë pikërisht në momentin që po i merrte një tjetër shumë parash kallëzueses.

Policia bën me dije se vijojnë hetimet për zbardhjen dhe dokumentimin e rasteve të tjera të mundshme të mashtrimit që mund të ketë kryer 21-vjeçari.

Materialet procedurale i janë referuar Prokurorisë së Tiranës për veprime të mëtejshme.

Njoftimi i policisë

“Me identitet të rremë, dyshohet se ka mashtruar në mënyrë të përsëritur, disa qytetarë, për t’iu marrë para, kapet dhe vihet në pranga 21-vjeçari.

Ai u arrestua në flagrancë, në momentin që shkoi për t’i marrë një shumë parash, një 26-vjeçareje, të cilën e kishte mashtruar dhe më parë.

Pas kallëzimit të një shtetaseje, se ishte mashtruar nga një shtetas, të cilit i kishte dhënë disa herë, shuma parash, shërbimet e Komisariatit të Policisë Nr. 2 kanë nisur punën për kapjen e autorit, i cili përdorte identitet të rremë, si dhe për dokumentimin e kësaj veprimtarie kriminale.

Si rezultat i veprimeve operacionale, të kryera në kuadër të operacionit “Strategjia”, u arrestua në flagrancë, teksa po i merrte një tjetër shumë parash, denoncueses, shtetasi E. H., 21 vjeç, banues në Paskuqan.

Vijojnë hetime për zbardhjen dhe dokumentimin e rasteve të tjera të mashtrimit që mund të ketë kryer 21-vjeçari.

Materialet procedurale iu referuan Prokurorisë së Tiranës, për veprime të mëtejshme”. thuhet në njoftim.

LEXONI GJITHASHTU:

• Tragjike/ Rrufeja godet për vdekje bariun në Pogradec, ngordhin dhe 20 bagëti
• Gruaja dhunohet nga bashkëshorti dhe vëllai i tij në Vlorë, arrestohen të dy