I nxehti afrikan ‘pushton’ vendin, temperatura 9 gradë mbi mesataren

“Kjo javë pritet të jetë shumë e nxehtë, me temperatura të larta deri në 9 gradë mbi mesataren në disa zona të vendit”.

Kështu deklaroi për emisionin “Mirëmëngjes” në “Euronews Albania”, meterologu Hakil Osmani.

Sipas tij, temperaturat do të arrijnë deri në 35 gradë celcius.

“Përsa i përket temeperaturave të ajrit, vlen të theksohet se do të jenë goxha të larta gjatë kësaj jave. Pritet që temperaturat të jenë edhe 35 gradë celcius, pra 9 gradë më të larta se sa i përket këtij muaji. Në orët e mesditës në zonat bregdetare dhe të ulëta”, tha ai.

Osmani u shpreh se edhe në zonat malore do të ketë temperatura të lartë të cilat mund të shkojnë deri në 28 gradë celsius.

Edhe në Kosovë e Maqedoni të Veriut, java do të jetë e nxehtë dhe me mot të qëndrueshëm, sipas meterologut.

LEXONI GJITHASHTU

• Parashikimi i motit për javën, vranësira dhe temperatura të larta
• Moti dhe çmimet tërheqin pensionistët italianë të jetojnë në Vlorë