I përfshirë në sulmet në veri, jep dorëheqjen nga drejtimi i Listës Serbe Radoiçiç

Presidenti i Serbisë tha për televizionin kombëtar spanjoll TV Española se nënkryetari i Listës Serbe, Milan Radoiçiç, ka dhënë dorëheqje nga kjo pozitë.

“Radoiçiç nuk dëshiron ta dëmtojë më tej Listën Serbe”, tha Vuçiç në fjalimin e tij.

Ai përmendi se Lista Serbe e sheh Radoiçiçin si luftëtar të lirisë dhe se të gjithë serbët që jetojnë në Kosovë mendojnë të njëjtën gjë.

Në intervistën e tij presidenti serb e cilësoi situatën në Kosovë si shqetësuese.

“Nuk e di nëse ajo që ndodhi ishte një pikë kthese. Jam shumë i shqetësuar sepse e di sa agresivë janë Albin Kurti dhe Vjosa Osmani. Sidomos kur besojnë se kanë shumë mbështetje nga një pjesë e komunitetit ndërkombëtar dhe kjo më shqetëson dhe më tremb”, tha Vuçiç

Milan Radoiçiç ishte pjesë e grupit të terroristëve që sulmuan policinë e Kosovës, ku vdiq efektivi Afrim Bunjaku.

Ai është kapur nga një dron i policisë së Kosovës teksa udhëheq grupin terrorist brenda manastirit në Basnjkë.

Policia e Kosovës ka bastisur sot objektin ku ai jeton në veriun e Kosovës.

Radoiçiç është në “listën e zezë” të SHBA-së dhe i ndalohet hyrja dhe të bëjë biznes në atë vend. Ai u vendos në listë për shkak të lidhjeve të dyshuara me krimin e organizuar transnacional.

LEXONI GJITHASHTU:

• Osmani pas takimit me ambasadorët e QUINT-it: Serbisë duhet t’i kërkohet llogari
• “Përgatita personalisht gjithçka më 24 shtator”, Radoiçiç: Arsyeja e sulmit
• Milan Radoiçiç konfirmon pjesëmarrjen dhe organizimin e sulmit në Banjskë