I riu albin që u bë artist: Pranova veten, s’e lejova bullizmin të më mposhtë…

Ges Rabo është një këngëtar, reper, tekstshkrues e kantautor.

Në një intervistë për emisionin “Good Morning Albanians” në Euronews Albania, i riu me albinizëm që u bë artist i suksesshëm tregoi se në fëmijëri është përballur me bullizëm, të cilin siç theksoi s’e ka lejuar ta mposhtë.

Ky mospranim sipas tij lidhet me faktin se njerëzit janë të painformuar ose nuk janë përballur ndonjëherë më parë me raste të albinizmit.

“Pjesa e parë e mënyrës si e shprehin habinë, s’e dinë se sa mund të rëndojë emocionalisht. Deri para pak vitesh, deri në moshën 13-vjeçare ka qenë e vështirë. Pastaj e pranova veten siç jam, formova personalitetin tim dhe nuk e vrava mendjen për asgjë. Mendimet që të vijnë nga njerëzit të bëjnë të mendosh çfarë kam gabim. Kur je fëmijë i përjeton ndryshe gjërat, jo vetëm në rastin e albinizmit, por çfarëdolloj bullzimi tjetër e përjeton në mënyra të ndryshme. Fatmirësisht unë ndryshova për mirë, u bëra moskokëçarës”, tha i riu.

LEXONI GJITHASHTU:

• 13 Qershor – Dita Botërore e Ndërgjegjësimit për Albinizmin
• Sipërmarrësja: Nuk ka ndriçim natën në Shqipëri, problem për vajzat që jetojnë vetëm