I shpallur në kërkim ndërkombëtar për drogë, arrestohet në Vlorë 30-vjeçari

Një 30-vjeçar, pjesëtar i një grupi kriminal me aktivitet në fushën e narkotikëve, në Spanjë, është a rrestuar ditën e sotme në Vlorë.

Policia bën me dije se në kuadër të operacionit tw koduar “Escape” ra në pranga shtetasi Xh.H.

30-vjeçari ishte shpallur në kërkim ndërkombëtar nga Interpol Madrid, pasi Gjykata Qendrore e Instruksionit në Spanjë, me vendimin e datës 01.02.2023, i ka caktuar masën e sigurisë “Arrest në burg”, për veprat penale “Trafik narkotikësh”, “Grup kriminal” dhe “Mashtrim në fushën e energjitikës”, parashikuar nga legjislacioni penal spanjoll.

Ai kuzohet si pjesëtar i një grupi kriminal në Spanjë, që merret me kultivimin e marijuanës.

“Ky grup ka përdorur shtëpi dhe ndërtesa industriale për kultivimin e kësaj bime dhe shtetasi Xh. H. dyshohet si personi që merrej me transportimin e materialeve dhe kultivimin e plantacioneve. Në total, ky grup kriminal llogaritet se ka vjedhur vazhdimisht energji elektrike, duke i shkaktuar një dëm të madh financiar shtetit spanjoll.”- njofton policia.

Materialet iu referuan Prokuorisë, për veprime të mëtejshme.

LEXONI  GJITHASHTU: 

• Mbajti familjen të ngujuar për 6 vite, Gjykata ndryshon masën e sigurisë për Laçin
• Kosovë| Na ishte njëherë që kurrë mos qoftë, ekspozita për fëmijët e vrarë në luftë