Kosovë| Na ishte njëherë që kurrë mos qoftë, ekspozita për fëmijët e vrarë në luftë

Drejtori ekzekutiv i Fondit për të Drejtën Humanitare, Bekim Blakaj tha në një intervistë për  “Good Morning Albanians” në Euronews Albania se sendet dhe fotot e 1 133 fëmijëve që humbën jetën gjatë luftës në Kosovë janë në një ekspozitë.

Ekspozita “Na ishte njëherë që kurrë mos qoftë” i dedikohet fëmijëve të cilët janë vrare apo zhdukur gjatë dhe menjëherë pas luftës në Kosovë, në periudhën 1998-2000.

“Nuk është e domosdoshme të quhet muze, mund të jetë dhe galeri ndoshta. Me rëndësi është që kjo ekspozitë të mos mbyllet që të ruhen kujtimet për fëmijët dhe çfarë është më e rëndësishme që ne e vëmë re në punën tonë të përditshme është se familjarët e viktimave, pra prindërit e këtyre viktimave më duket sikur gjejnë paqe kur vijnë në këtë ekspozitë,” – u shpreh Blakaj.

LEXONI GJITHASHTU:

• Me flamuj kuqezi, studentët në Kosovë protestojnë kundër asociacionit
• Blinken: Kosova dhe Serbia do të bëjnë kompromise të vështira