I shpallur në kërkim për vrasjen e babë e bir në Elbasan, ekstradohet 44-vjeçari

2 shqiptarë të shpallur në kërkim ndërkombëtar janë kapur nga policia dhe do të ekstradohen nga Greqia dhe Franca.

I esktraduari nga Greqia është i akuzuar për ekzekutimin e 2 shtetasve (babë e bir), në Elbasan, kryer në kuadër të grupit të strukturuar kriminal.

I esktraduari nga Franca, i dënuar me 5 vjet burgim akuzohet për shpërndarje të lëndës narkotike kanabis në doza, në afërsi të shkollave.

“Si rezultat i bashkëpunimit me Interpol Athinën, është kapur në Greqi dhe është ekstraduar drejt vendit tonë, shtetasi J. L. alias O. L. Alias G. L., 44 vjeç, banues në Gjirokastër. Si rezultat i bashkëpunimit me Interpol Paris, është kapur në Francë dhe është ekstraduar drejt vendit tonë, shtetasi Redi Dizdari, 43 vjeç, i dënuar më parë,” thuhet në njoftimin e policisë.

Të dy shtetasit e ekstraduar iu dorëzuan Drejtorisë së Përgjithshme të Burgjeve, për kryerjen e veprimeve të mëtejshme procedurale.

LEXONI GJITHASHTU:

• VIDEO| Misteri i 22-grave të vrara, Interpol nis fushatën për identifikimin e tyre
• Bosnja i kërkon Interpolit urdhër-arrest për ish-komandantin e ushtrisë