‘I tmerruar nga opozita’, Berisha: Rama urdhëroi manipulimin e dosjes për Metën

Kryetari i Partisë Demokratike, Sali Berisha e ka cilësuar si një akt të shëmtuar dhe të turpshëm të kryeministrit Edi Rama, manipulimin e dosjes ku aludohet se ish-presidenti Ilir Meta ka qenë pjesë e ish-Sigurimit të shtetit.

Përmes një postimi në rrjetet sociale, Berisha thotë se Rama, duke qenë i tmerruar nga opozita, ka sulmuar Metën përmes Autoritetit të Dosjeve, duke shtuar se kjo është një falsifikim dhe manipulim.

Sipas Berishës, Rama po kërkon të krijojë tymnajë për vjedhjet e tij gjatë 23 viteve në pushtet si kryetar bashkie dhe kryeministër.

Ish presidenti Ilir Meta është politikani i lartë me inicialet I.M që figuron në dosjet e ish-Sigurimit të Shtetit.

Autoriteti i Dosjeve e përmend atë me emër dhe mbiemër në dokumentin që i drejtoi Kuvendit ku i kërkon gjithashtu të ndryshojë ligjin, pasi sipas tij nuk mund të verifikohen figurat politike të verifikuara një herë nga komisioni Mezini e Bezhani.

Meta si politikan i hershëm, ka certifikatë pastërtie, por nëse do të verifikohej prapë, thuhet në dokumentin drejtuar kuvendit, rezultati do të ishte ndryshe. Vetë ish-presidenti e quan këtë një lojë të motivuar politikisht.

LEXONI GJITHASHTU

• Autoriteti i Dosjeve të sqarojë kush është shtetasi I.M, thotë Partia e Lirisë
• U spiunua nga Meta? Personi i përmendur në dosje i drejtohet autoritetit
• Zbardhet shkresa, Ilir Meta pjesë e dosjeve të ish-Sigurimit të Shtetit