Organizoi shpërthimin e tragetit në Sarandë, GJL refuzon rekursin e Erdion Muhos

Gjykata e lartë ka rrëzuar rekursin e Erdion Muhos, i akuzuar si bashkëpunëtor dhe organizator i tentativës për të vendosur tritol në një anije udhëtarësh më 24 qershor të këtij viti në portin e Sarandës, ngjarje ku humbi jetën Armandi Nelaj.

Muho i cili akuzohet për shkatërrim të pronës me eksploziv kryer në bashkëpunim kërkonte një masë më të butë sigurie se ajo e arrestit me burg, lënë në fuqi nga apeli i juridiksionit të përgjithshëm.

Tritoli shpërtheu në det teksa 52-vjeçari Armandi Nelaj po e vendoste në anijen tip delfin “Kristi”. Sipas policisë motivet e ngjarjes ishin për shkak të konkurrencës ku në shënjestër ishin tragetet e kompanisë “Finikas”.